O Partido Popular de Dodro desexa comunicar que despois de varias reunións mantidas con responsables de Urbanismo da Xunta de Galicia, conseguiu que por parte da Secretaría Xeral de Urbanismo se reduxesen ó máximo posible as modificacións a realizar no PXOM presentado polo goberno bipartito PSOE-BNG.
Así, o máis probable, e tal e como anunciou no seu día o Partido Popular, a zona residencial urbanizable prevista para Tallós terá que reducirse nunha gran parte para que a Xunta de Galicia poida aprobar o PXOM. Outros cambios que son inevitables será a reducción da área reservada para o Polígono Industrial, e certas modificacións que afectan á área de expansión dalgúns núcleos e que se ven afectados pola Lei de Augas e de Costas.
Lamentablemente, os dous anos perdidos na tramitación do PXOM polo goberno bipartito da Xunta de Galicia e o goberno municipal do PSOE-BNG non permitiu conquerir unha maior área de expansión dos núcleos.
A clasificación dun área residencial de dubidosa viabilidade en Tallós tamén obrigou a reducir a zona para a construcción de vivendas particulares.
É de destacar que o goberno bipartito PSOE-BNG nin sequera solicitou a reducción da zona de protección de costas como outros concellos, a pesar das súas críticas ó anterior goberno popular, permitindo así que moitos terreos particulares sigan afectados pola lei de Costas.
Unha vez máis, o Partido Popular a pesar de que en ningún momento o goberno PSOE-BNG contou con eles para a tramitación do PXOM, tivo que asumir as tarefas de goberno para poder sacar adiante o PXOM da forma máis rápida e limitando as reduccións das zonas para poder edificar ó máximo que permite a normativa.
Agora, correspóndelle o goberno bipartito PSOE-BNG acelerar a incorporación das modificacións solicitadas pola Xunta de Galicia para poder aprobar definitivamente o PXOM canto antes, o que de cumprirse os prazos previstos podería suceder nun prazo non superior ó mes e medio.
ESO SEMPRE E CANDO O BNG-PSOE NON RETRASE O PROCEDIMENTO NA PROCURA DE INTERESES PARTIDISTAS.
