AS CONTAS DO CONCELLO, A CASA DE CULTURA, OS LOCAIS CULTURAIS E OUTRAS ABERRACIÓNS

O Partido Popular de Dodro quere denunciar a xestión absolutamente irresponsable que está a levar o equipo de goberno PSOE-BNG no Concello de Dodro. De resultas desta xestión, só no ano 2008 o Concello de Dodro tivo unhas perdas de 130.000 euros, e un descenso na súa tesorería de 28.000 euros. A iso, hai que engadir que terá que devolver ó Estado 108.000 euros tras o axuste ó que obriga ó goberno do Sr. Zapatero polo déficit de ingresos da Administración do Estado nese período.
A considerable reducción de ingresos por parte do Estado, que para o ano 2010 supón un 15 %, e os gastos sen ningún tipo de control que está a acometer o goberno bipartito, suporá sen dúbida que o déficit municipal se incremente nos anos 2009 e 2010. Tal situación non fará senón conducir a unha parálise das inversións necesarias e ó aumento do endebedamento do Concello. Ó goberno PSOE-BNG bastoulle tan só un ano para levar ó Concello de Dodro á perda económica sen posibilidade real de recuperación.

A pesar diso non teñen ningún reparo en seguir aumentando os gastos, aínda sendo por todos coñecido que os ingresos das administracións públicas veranse reducidos.
Esta situación contrasta notablemente co mandato do anterior goberno do Partido Popular, que pechou os seus últimos exercicios económicos cun lixeiro superávit, que permitía facer fronte ó pagamento das facturas dos provedores, e mantiña unha situación económica saneada. Actualmente, o Concello de Dodro ten sen pagar facturas do ano 2008, mentres que segue gastando sen un mínimo control. Así, o propio alcalde do PSOE, Sr.Díaz, recoñeceu no último pleno no mes de agosto que “para facer novas contratacións de persoal non lle facía falta ningún tipo de informe económico que asegurase a existencia de crédito suficiente para esas contratacións”. Segundo o Sr. Díaz, “xa fixeron deste xeito noutras ocasións, polo que tampouco fai falla agora”.

A CASA DE CULTURA

Por outra banda, o Partido Popular de Dodro quérese facer eco das denuncias feitas por veciños de Dodro polo uso particular da dona do tenente-alcalde Sr. Franco (cabeza de lista do BNG en Dodro) da Casa da Cultura do Concello. Segundo puido saber o Partido Popular, a Casa da Cultura quedou aberta durante dúas noites e cas luces prendidas despois de que a dona do Sr. Franco estivera nela, e fora do horario laboral dos funcionarios responsables. Para o Partido Popular esta é unha situación extremadamente grave, polo que supón a utilización persoal dunha instalación pública sen ningún tipo de control. Se ben o Partido Popular requiriu unha explicación no pasado pleno ó Sr. Franco, este optou por non respostar.

LOCAL CULTURAL

Noutro orden, tamén queremos denunciar o uso doutro centro cultural do Concello para poñer unha barra de bebidas durante as festas de Lestrove. Así, e a pesar de que o Concello de Dodro paga un aluguer do local para uso social, este local durante as festas de Lestrove foi utilizado por persoas particulares para almacén de bebidas, mentres que na porta do local puxeron unha barra para servir bebidas.

Resulta totalmente surrealista que o Concello de Dodro este a pagar o aluguer dun local social e por outro lado se permita que sexa utilizado por particulares para beneficio privado. Pero tendo en conta que a dona do Sr. Franco usa a Casa da Cultura de xeito particular, non se pode esperar que lle importe o máis mínimo ó Sr. Franco que outras persoas usen outros locais do Concello tamén para o seu uso privado.

OBRAS DO AVE, ¿COMO ESTAN AS PISTAS?

Xa por último, sinalar que o goberno bipartito PSOE-BNG a día de hoxe aínda non informou sobre as obras do Tren de Alta Velocidade ó seu paso polo Concello de Dodro.

Se ben as últimas noticias parecen apuntar a un considerable retraso na súa execución, o goberno PSOE-BNG segundo a voceira do PSOE, Sra. MENE, non ten “notificación oficial” polo que non pode dicir si se retrasarán ou non. Tal resposta non mostra senón o absoluto desinterés do PSOE-BNG por unhas obras que están a causar importantísimos estragos no Concello de Dodro, e que tal e como sucedeu cas obras da Autovía do Barbanza, previsiblemente van a provocar importantes inundacións no inverno aparte de dificultar o tránsito polas pistas municipais practicamente desfeitas polo continuo paso de camións de gran tonelaxe.

O PP LOITA PARA SACAR ADIANTE O PXOM

Nesta mesma semana representantes do Partido Popular de Dodro reuníronse coa Secretaria Xeral de Urbanismo Dª Mª Encarnación Ribas Díaz da Consellería de Medio Ambiente, Territorio e Infraestructuras, co fin de expoñerlle as necesidades do Concello de Dodro en relación co PXOM aprobado provisionalmente pasado día 20 de Abril.
Os concelleiros do Partido Popular de Dodro expuxeron a difícil situación que está a pasar o Concello de Dodro ante a imposibilidade de acadar un desenrolo urbanístico pola falla dun PXOM adaptado ás súas necesidades. Así mesmo, solicitaron dos representantes de Urbanismo que se axilizasen os trámites necesarios para a aprobación definitiva e evitar que se prolongue unha situación que está a prexudicar gravemente ós veciños e ó crecemento do Concello de Dodro.
Por parte da Secretaria Xeral de Urbanismo mostrouse unha extraordinaria receptividade ante as inquedanzas manifestadas polo Partido Popular e a súa absoluta vontade de reducir os prazos necesarios para a aprobación final, aínda que estes prazos estarán supeditados ao análises en detalle do PXOM aprobado provisionalmente, e a súa adecuación á lexislación aplicable. Dentro de un mes os representantes do PP de Dodro terán unha nova reunión para informarlles de como van os trámites para a aprobación definitiva do PXOM.
O Partido Popular valora moi positivamente esta primeira toma de contacto coa Secretaría de Urbanismo e na súa opinión, e ca prudencia necesaria pois o PXOM aínda non foi analizado en detalle pola Consellería MATI, puidera ser posible que antes de rematar o ano o Concello de Dodro tivera aprobado definitivamente o PXOM.

NOSA GALERÍA FOTOGRÁFICA

REVISTA Nº 3 - Outubro 2.009

Revista Nº 3 Octubre 2.009

O PLENO DE DODRO APROBA PROVISIONALMENTE O PXOM

O martes 20 de abril celebrouse no Concello un Pleno extraordinario no que se aprobou provisionalmente o PXOM co voto favorable dun concelleiro do Partido Popular.

Debido á ausencia dun concelleiro do equipo de goberno e necesitando maioría absoluta para a aprobación provisional do PXOM, o Partido Popular de Dodro comprendendo a importancia desta aprobación e actuando con responsabilidade, decidiu que un concelleiro do Partido Popular votara a favor motivando así a aprobación provisional. Os outros catro concelleiros abstivéronse como nos anteriores trámites do PXOM en base á pouca ou nula información do PXOM recibida por parte do equipo de goberno ata o de agora.
Recordamos que este PXOM non é o que faría o noso grupo pero recoñecemos que a súa aprobación é unha necesidade para o crecemento de Dodro polo que temos que actuar con responsabilidade.

REVISTA Nº 2 Novembro 2.008

Revista Nº 2 Novembro 2.008

REVISTA Nº 1 - Febreiro 2.008

Revista Nº 1 - Febreiro 2.008

MAPA PLAN LITORAL EN DODRO

Mapa Plan Litoral

ACTUACIÓN DO GOBERNO PSOE-BNG NO DESLINDE CO CONCELLO DE PADRÓN

O Partido Popular de Dodro quere manifestar o seu total rexeitamento á actuación do goberno PSOE-BNG dos últimos días na zona de deslinde co Concello de Padrón. O único que conqueriron PSOE e BNG foi avergonzar ós nosos veciños que non se merecen uns representantes como o sr. Díaz e o sr. Franco.

Durante anos tanto o Concello de Dodro como o de Padrón se moveron con un deslinde “aproximado” baseado en planos de concentración que non se correspondía co real e que dou pé á ocupación dos terreos de Dodro durante a Pascua. O Partido Popular en novembro de 2007 xa fixo unha proposta para delimitar a línea de deslinde pero tanto o PSOE como o BNG a rexeitaron o que permitiu que esta situación continuase.

Fai escasos meses o Instituto Xeográfico Nacional remitiu a documentación do deslinde tal e como se delimitou no ano 1931, e o Partido Popular voltou a presentar unha nova proposta para chegar a un acordo co concello de Padrón e usar os terreos de Dodro para outros usos alternativos durante a Pascua. Pero novamente PSOE e BNG coa súa prepotencia habitual rexeitaron a proposta, preocupados por non dar razón ó Partido Popular sen importarlle os intereses dos veciños a quenes representan.

O tempo non fai senón dar a razón ás propostas do Partido Popular, e agora temos que asistir a un espectáculo bochornoso, propio dun circo de feira, onde os representantes do PSOE e BNG de Dodro, intentan arranxar o problema a última hora e empregando a forza, para ó final, encartar a orella e deixar aínda máis avergonzados a todos os veciños de Dodro.

Resulta lamentable que agora, despois de case tres anos dende a proposta do Partido Popular, o goberno PSOE-BNG malgaste os cartos do Concello de Dodro nunha obra que faga de fronteira física (e non en todo o deslinde) co Concello de Padrón por causa da súa ineptitude e incapacidade para ofrecer e chegar a acordos que permitan a convivencia normal e que sempre existiu entre veciños de Dodro e Padrón.

¡ O EQUIPO DE GOBERNO SE DURME !

O Partido Popular de Dodro quere comunicar que despois de transcurrir máis de mes e medio dende a presentación do Plan do Litoral, o equipo de goberno aínda non tomou ningunha iniciativa ó respecto, o que na nosa opinión supón unha grave irresponsabilidade.

Segundo puido comprobar o Partido Popular despois de varias consultas e reunións informales con representantes da Consellería de Medio Ambiente, nin o PSOE nin o BNG aportaron ningunha indicación sobre os prexuizos que podería causar ós veciños de Dodro a aplicación do Plan do Litoral dacordo co documento exposto a través da web da Consellería.

A aplicación sen modificacións do Plan do Litoral afectaría gravemente ós núcleos de Bexo, Imo, Tallós e A Igrexa, de tal xeito que deixaría a estes núcleos prácticamente sen posibilidades de desenrolo urbanístico.

Neste senso, o Partido Popular quere recordar que no pleno do 17 de outubro de 2008, xa apuntou a necesidade de que o novo PXOM estivera consensuado coa Xunta de Galicia no que ó Plan do Litoral se refería, de forma que a afectación deste Plan non fora superior á afectación marcada polo deslinde de Costas. Pero visto o resultado, é evidente que en ningún momento o equipo de goberno se preocupou de conquerir un consenso que evitase unha maior afectación de terrenos e propiedades impedindo a edificación de vivendas nos mesmos.

Novamente, o equipo de goberno PSOE-BNG está a actuar de costas ós intereses dos veciños de Dodro.

Resulta sorprendente que despois de dous anos que se iniciou o Plan do Litoral tanto o sr. Díaz, alcalde de Dodro, como o tenente-alcalde do BNG, sr. Franco non amosasen o máis mínimo interés pola afectación do Plan do Litoral ó Concello de Dodro, máis aínda cando este Plan foi realizado co goberno bipartito PSOE-BNG na Xunta de Galicia.

De non ter perdido tanto tempo na modificación do PXOM que agora se pretende aprobar, a afectación do Plan do Litoral prácticamente sería nula, pero tendo en conta que o PXOM aínda non está aprobado definitivamente, a influencia do Plan do Litoral podería dar ó traste cos obxectivos de desenrolo urbanístico de Dodro.
As posibles consecuencias non serían outras que modificar novamente o PXOM, co retraso que eso implicaría, e a imposibilidade de crecemento de núcleos importantes de Dodro.

15 NOVOS CONTENEDORES DE BASURA PARA DODRO

Representantes da Delegación de Coruña da Xunta de Galicia puideron confirmar definitivamente o Partido Popular de Dodro, tras a reunión mantida en días pasados, que ó Concello de Dodro se lle asignarán 15 novos contenedores de basura, o que supón un incremento notable sobre o inicialmente previsto, dadas as necesidades do resto de Concellos de A Coruña.

¡ O ALCALDE DE DODRO CONDEADO POR LESIONS !

SENTENCIA
Audiencia Provincial da Coruña
En Santiago de Compostela a 30 de diciembre de 2.009

"FALLO: Condeno a Arturo Día Díaz como autor de una falta de lesiones prevista en el artículo 617.1 del Código Penal a la pena de 45 días de multa a razón de 10 euros diarios, con responsabilidad de un día de privación de libertad por cada dos cuotas impagadas, lo que supone un total de 450 euros.
Asimismo Arturo Díaz Díaz indemnizará a Alfonso Fernandez Dominguez en la cantidad de 420 euros, por los perjuicios causados.

Contra la presente resolución no cabe recurso ordinario alguno."

¡ FELICES FESTAS !

O PARTIDO POPULAR DE DODRO REUNIUSE CA PRESIDENTA DE AUGAS DE GALICIA ETHEL VÁZQUEZ

O pasado martes o Partido Popular de Dodro mantivo unha reunión ca Presidenta de Augas de Galicia, Ethel Vázquez. Ao longo da reunión tratáronse os principais temas que afectan ó Concello de Dodro, e relacionados con este organismo, como os regatos e a posible instalación dunha depuradora en Teaio.
Dacordo ca información recibida, Augas de Galicia ten pensado destinar unha cantidade de fondos aínda sen determinar para a limpeza do rego de Manselle a pesar das restriccións orzamentarias ás que teñen que facer frente; nembargantes, para o Río San Lufo non lle foi solicitada ningunha inversión concreta, a pesar de que este río desborda con frecuencia ó longo do inverno, o que non deixou de sorprender ó Partido Popular.
En relación coa instalación dunha EDAR na aldea de Teaio, o Partido Popular lle solicitou que se axilizase o máis posible a concesión da autorización necesaria, dada a importancia da obra para os veciños afectados e que o Partido Popular xa incluira no seu programa electoral.
Nembargantes, a autorización necesaria depende en gran medida da documentación aportada polo Concello, e nalgún caso non se corresponde correctamente ca esixida por Augas de Galicia.

O Partido Popular quere denunciar a PESIMA XESTIÓN DO GOBERNO BIPARTITO QUE PON EN PERIGO A REALIZACIÓN DUNHA IMPORTANTE OBRA E QUE EN DOUS ANOS E MEDIO NON FOI QUEN DE CONQUERIR A AUTORIZACIÓN NECESARIA PARA LEVALA A CABO.

DECLARACIÓN DO PARTIDO POPULAR DE DODRO NO DÍA INTERNACIONAL PARA A ELIMINACIÓN DA VIOLENCIA CONTRA AS MULLERES

Hoxe 25 de novembro celebrase unha vez máis, en todo o mundo, o Día internacional para a eliminación da violencia contra as mulleres, momento no que de xeito conxunto expresamos a nosa condena máis enérxica a todas as formas nas que se manifesta este grave problema da nosa sociedade. Erradicar a violencia contra as mulleres é unha obriga das institucións na que se precisa a colaboración de toda a cidadanía, e só desde o compromiso e a concienciación de todas as persoas poderemos conseguir unha sociedade na que os dereitos humanos se respecten.

O compromiso da sociedade galega coa eliminación da violencia contra as mulleres manifestouse a través da aprobación, no Parlamento galego, dunha lei propia, a lei 11/2007, para a prevención e o tratamento integral da violencia de xénero. O desenvolvemento desta lei, xunto co resto das modificacións lexislativas a nivel estatal, deu lugar a un incremento no número de denuncias, o cal redunda nunha maior garantía xurídica e nunha máis eficaz atención ás vítimas.

Pero queda aínda moito por facer, e desde o Partido Popular de Dodro, manifestamos o noso compromiso coa prevención da violencia, a través do máis enérxico rexeitamento ás manifestacións da violencia e á figura dos maltratadores, para os que esiximos tolerancia cero, seguindo as recentes recomendacións do Dictame sobre as actuacións prioritarias dos entes locais e rexionais para previr a violencia cara as mulleres e mellorar a atención das vítimas, aprobado polo Comité Europeo das Rexións. Así mesmo queremos lembrar a todas as administracións públicas a necesidade de colaborar, para que, no marco das súas respectivas competencias, traballen para mellorar as diferentes medidas e recursos postos en marcha para a eliminación da violencia contra as mulleres. Instamos á Xunta de Galicia, e particularmente á Secretaría Xeral da Igualdade, a promover actuacións de coordinación, de formación e de concienciación a todos os niveis, pero particularmente entre a poboación máis nova, co obxectivo de contribuír á educación na igualdade das xeracións máis novas, piares do futuro da sociedade galega.

Invitamos a toda a cidadanía a unirse a nós na expresión da súa condena á violencia contra as mulleres e do seu apoio ás vítimas, para devolver a dignidade e a xustiza á nosa sociedade.

AXUDAS PARA LIBROS E MATERIAL ESCOLAR DA XUNTA DE GALICIA

¿Que axudas proporciona a Consellería de Educación para libros e material escolar?

Os importes das axudas son os seguintes:

- 180 € por fillo para as familias con rendas anuais inferiores a 5.400 € per cápita (5.400 € por cada un dos membros da unidade familiar).

- 104 € por fillo para as familias con rendas anuais inferiores a 9.000 € per cápita (é dicir, 9.000 € por cada un dos membros da familia).

- 250 € para cada neno de Educación Especial, independentemente da renda anual familiar.

- Se nas familias hai membros con discapacidade superior ao 33%, ese membro conta por dous á hora de calcular as axudas.

Para calcular o importe da axuda só hai que dividir os ingresos totais do fogar entre o número de membros, é dicir, sumando os importes dos recadros 455 e 465 das declaracións da Renda do ano 2008 e dividindo esta cifra entre o número de membros da familia.

¿Que idades ou cursos son os posibles beneficiarios desas axudas?

A bolsa é para alumnos de 1º, 2º, 5º ou 6º de primaria con determinado nivel de renda, e para todos os alumnos de Educación Especial en centros ordinarios.

Non se refire a alumnos matriculados en primaria aínda que teñan adaptación curricular ou algún tipo de reforzo educativo.

Este ano non están incluídos nas axudas os alumnos de 3º e 4º de primaria, nin os que cursen a ESO, pois terán os libros no seu centro, en réxime de préstamo, tal e como viña sucedendo en anos anteriores.

¿Qué requisitos teñen que cumprir as familias beneficiarias desas axudas?

Estar dentro dos umbrais da renda especificados na primeira pregunta.

No caso de alumnado de Educación Especial, todos os rapaces levan 250 €, independentemente da renda anual familiar.

As axudas hai que solicitalas do 1 ao 30 de setembro, cunha fotocopia dos DNI dos pais, unha fotocopia do libro de familia, o volante/certificado de empadroamento (só será necesario cando sexa preciso acreditar algunha circunstancia non recollida no Libro de Familia), unha certificación bancaria dun número de conta corrente e o formulario cumprimentado. O formulario poderase recoller no centro escolar, nas sedes da Xunta ou baixar da web.

(Información da Consellería de Educación e Ordenación Universitaria)

CONCELLEIROS DO PP DE DODRO SE REUNIRON COA DIRECTORA XERAL DE INFRAESTRUCTURAS DA XUNTA DE GALICIA

O pasado mes concelleiros do Partido Popular de Dodro, mantiveron unha reunión coa Directora Xeral de Infraestructuras dona Isabel Vila Barbosa.
O principal motivo desta reunión era trasladarlle á Directora xeral a preocupación existente entre os veciños do Concello de Dodro das obras pendentes de executar na Autovía do Barbanza ao seu paso por Dodro e a necesidade de executalas á maior brevidade antes de que cheguen as chuvias e con iso males peores.
No transcurso da reunión tratáronse, comentaron e valoraron a maioría das obras maiores pendentes, entre elas o acceso a Manselle, o carril de servizo entre Imo e Castro, o cuentón da veiga de Lestrove, e o de desaugadoiro en Bexo, con compromiso de executalas á maior brevidade, indicando que a grande maioría delas se comezarían a principios do mes de setembro.
Os concelleiros do Partido Popular insistiron na necesidade de acometer canto antes estas obras, e especialmente aquelas que por efecto das chuvias prexudican gravemente aos veciños, como acontece nos lugares de Lestrove e Bexo. Pola súa banda, a Directora Xeral mantívose absolutamente receptiva ás propostas dos concelleiros manifestándoos que cando menos, estas obras deberan estar finalizadas antes de comezar o inverno con algunhas modificacións de acordo con diversas solicitudes de afectados nalgunha obra en concreto.
Respecto á construción do carril de servizo entre Imo e Castro a falta de concretar datas de inicio e remate, todo apunta a que as obras se iniciarán no mes de setembro, co que os veciños deberan contar cun vial de servizo antes de finalizar o ano poñendo deste modo fin a unha situación absolutamente caótica e gravosa.
En relación co acceso de Manselle e tal como os representantes do Partido Popular de Dodro lle xa solicitaran o Delegado Provincial da Xunta de Galicia en diversas reunións, será bidireccional con anchura abonda para dous carrís, co que espera conseguir un acceso que permita o paso de todo tipo de vehículos.

A NOVA ORDENANZA DE AXUDA NO FOGAR

O CONCELLO DE DODRO APROBA "GRACIAS A VICTORIA REY" UNHA NOVA ORDENANZA DE AXUDA NO FOGAR PARA COBRARLLES OS NOSOS MAIORES

Van a instalar un sistema de cobro da axuda no fogar en Dodro que ata agora non se cobrou nunca !!!

Fai 17 anos que en Dodro existe a axuda no fogar.
A ordenanza que temos agora mesmo do ano 2.004 derrogou unha anterior do ano noventa e pico.
Daquela, fíxose unha nova ordenanza para introducir cambios importantes, concretamente para subir os límites económicos e abaratar o servicio.
Contémplanse as situacións familiares. Distínguese entre persoas que viven soas e persoas que viven acompañadas da súa familia.E gracias a todo esto practicamente non paga ningún usuario por este servicio.

¿Agora qué queren cambiar?
Queren ter en conta soamente a situación económica persoal do dependente.
Queren que un maior dependente que cobra de pensión 530€ teña que pagar 30, 40 ou 50€ por ese servicio.
Esa persoa maior do noso Concello con 530 € de pensión ten que pagar luz, telefono, auga, ten que vestir e ten que comer ... e agora terá tamén que pagar por un SERVICIO BASICO.

¿Cómo son capaes de impoñer vostedes unhas cotas á xente mais necesitada do Concello?

Dende logo en ningún caso nos faríamos algo así! En ningún caso poríamos un límite tan baixo para poder estar exentos do pago.
O límite para o copago é excesivo. Este tipo de servicio é tan básico que non se debería cobrar nestes termos.
A maioría das persoas dependentes do noso Concello son unidades familiares unipersoais, persoas maiores que viven soas, persoas que NECESITAN ese servicio!

Esta é a xestión dos Fondos Públicos. Este é o cambio “progre” do PSOE-BNG,... facer pagar ós que menos teñen o que antes lles saía gratis!!!!

Dende logo hai un antes e un despois da aprobación de esta ordenanza, dende logo que si!
Se nos estamos equivocando nas nosas interpretacións ou dicindo algunha mentira,.... RETAMOS Á CONCELLEIRA para que dentro de 6 meses nos expoña no Pleno unha comparativa das cotas que estaban pagando os mesmos usuarios antes e despois de aprobar esta ordenanza.

¡ CONDEAN Ó ALCALDE DE DODRO POR AGRESIÓN !

O XULGADO Nº 2 DE PADRON ACABA DE CONDEAR Ó ALCALDE DE DODRO, ARTURO DÍAZ, POR UNHA FALTA DE LESIÓNS TIPIFICADA COMO DELITO PENAL, COMETIDA CONTRA O EX MONITOR DEPORTIVO DO CONCELLO ALFONSO FERNÁNDEZ

A sentenza fixa unha multa para o alcalde de 450 € e unha indemnización para o técnico de 420 € polos perxuicios causados, aparte de ter que facerse cargo das costas.
De acordo cos “hechos probados” na sentenza, ese incidente rematou cando “Arturo Díaz le propinó un puñetazo a Alfonso Fernández”.

En relación con esta sentencia, o Partido Popular de Dodro quere manifestar que é tal a rotundidade dos feitos probados que non cabe a menor dúbida sobre a xustiza desta sentencia condenatoria do sr. Díaz.

Para nós, este feito constituie un agravio para toda a vecindade do noso Concello, e pon de manifesto a razón da crítica do goberno bipartito PSOE-BNG absolutamente dictatorial e que en ningún momento mostrou o máis mínimo sentido da responsabilidade que debe manter. Con esta sentencia, ponse de relieve a escasa prudencia do sr. Díaz nas súas declaracións de días pasados onde acusaba de ser denunciado sen fundamento algún, e a absoluta prepotencia ca que actúa, apoiado polos seus concelleiros ós que non parece importar nada máis que manter o seu cargo a costa do que sexa.
Por primeira vez, un alcalde de Dodro é condenado por un delito penal, o que debería supor de inmediato no só a súa dimisión senon daqueles que se comprometeron a apoialo. Porque non hai que olvidar que a estas alturas da lexislatura, transcurridos xa 2 anos, se o sr. Díaz está a desempeñar o cargo de Alcalde é única e exclusivamente porque o seu cómplice, o sr. Franco do BNG, o está a permitir.

Para o BNG o sr. Díaz constituie a marioneta perfecta ca que xogan dende o cinismo máis absoluto, e co que se poden permitir toda clase de abusos e corruptelas. O BNG está a usar ó sr. Díaz para o seu propio interés.

Neste senso, recordar que os concelleiros do BNG sr. Franco e sra. Rey usaron indebidamente fondos públicos, apoiaron o despido improcedente do exmonitor deportivo, e seguiron apoiando ó Sr. Díaz aínda despois de ter demostrado a utilización de facturas falsas para o pagamento de parte do salario do exmonitor deportivo.
A cambio, o Sr. Franco está a contratar a persoal ó seu antoxo, contrata de forma absolutamente irracional proxectos por cantidades totalmente desproporcionadas á xente do seu entorno político, sen importarlle o máis mínimo o interés dos veciños, e nada máis que busca o seu propio protagonismo.
Resulta vergoñento que tanto o sr. Franco como a sra. Rey que se autoproclaman ultradefensores contra a violencia de xénero, nembargantes sí apoien sen ningún tipo de escrúpulos a violencia de todo tipo contra o exmonitor deportivo por parte do seu amigo e compañeiro de goberno o sr. Arturo Díaz.
Recordar que o goberno bipartito con esta xa acumula 3 sentencias condenatorias: 1 na que se lle obrigou a repetir un pleno, outra na que resultou condenado por despido improcedente e esta última, na que o sr. Díaz resultou condenado por agresión física.

AGORA SOLUCIÓNS

¡¡ AGORA SOLUCIÓNS !!

O 7 DE XUÑO VOTA PARTIDO POPULAR